Аляксандр Міхайлавіч Анісімаў — галоўны дырыжор Нацыянальнага сімфанічнага аркестра Рэспублікі Беларусь, галоўны дырыжор Самарскага акадэмічнага тэатра оперы і балета. Народны артыст Рэспублікі Беларусь (2011).
| Аляксандр Анісімаў | |
|---|---|
| Дырыжор Анісімаў Аляксандр Міхайлавіч | |
| Асноўная інфармацыя | |
| Поўнае імя | Аляксандр Міхайлавіч Анісімаў |
| Дата нараджэння | 8 кастрычніка 1947 (76 гадоў) |
| Месца нараджэння | |
| Краіна | СССР → Беларусь Расія |
| Альма-матар | |
| Месца працы | |
| Музычная дзейнасць | |
| Прафесіі | дырыжор, оперны спявак |
| Жанры | опера, балет, сімфанічная музыка |
| Калектывы | Беларуская дзяржаўная філармонія Самарскі акадэмічны тэатр оперы і балета |
| Прэміі | |
| Узнагароды |
Біяграфія правіць
А. М. Анісімаў нарадзіўся ў Маскве. Пасля вучобы ў Маскоўскім харавым вучылішчы імя А. В. Свешнікава і Ленінградскага харавога вучылішча імя М. І. Глінкі паступіў у Ленінградскую кансерваторыю імя М. А. Рымскага-Корсакава, якую скончыў па класе харавога дырыжавання прафесара Я. П. Кудраўцавай. Спецыяльнасць оперна-сімфанічнага дырыжавання вывучаў у Маскоўскай кансерваторыі ў класе прафесараў А. А. Дзімітрыядзі і Л. М. Гінзбурга. Удасканальваўся ў аспірантуры ў прафесара Г. М. Раждзественскага.
Прафесійная кар’ера пачалася ў 1975 годзе ў Ленінградзе ў Малым тэатры оперы і балета. З 1980 года галоўны дырыжор Нацыянальнага акадэмічнага Вялікага тэатра оперы і балета Рэспублікі Беларусь.
З 1985 года галоўны дырыжор Пермскага акадэмічнага тэатра оперы і балета і запрошаны дырыжор Ленінградскага тэатра оперы і балета імя Кірава.
З 1995 года галоўны дырыжор Нацыянальнага сімфанічнага аркестра Ірландыі, Філарманічнага аркестра г. Пусан (Рэспубліка Карэя) і Растоўскага музычнага тэатра. У тым жа годзе быў А. Анісімаў дырыжаваў першым канцэртам у Маскве вялікай опернай спявачкі Мантсерат Кабалье, які адбыўся ў Крамлі.
З 2002 года і па цяперашні час галоўны дырыжор Дзяржаўнага акадэмічнага сімфанічнага аркестра Рэспублікі Беларусь.
Дзяржаўны акадэмічны сімфанічны аркестр Рэспублікі Беларусь пад кіраўніцтвам Аляксандра Анісімава стаў вядучым музычным калектывам краіны. У яго выкананні гучаць творы беларускіх кампазітараў, сучасная і класічная музыка сусветнага сімфанічнага і опернага рэпертуара. Гастрольны графік аркестра ўключае гарады Беларусі, Прыбалтыкі, Францыі, Германіі, Іспаніі, Польшчы, Славакіі, Японіі і інш.
Са жніўня 2011 года Аляксандр Анісімаў галоўны дырыжор Самарскага акадэмічнага тэатра оперы і балета. Пад кіраўніцтвам маэстра тэатр прадставіў прэм’еры опер «Аіда», «Мадам Батэрфляй», «Травіята», «Казка пра цара Салтана», «Яўген Анегін», «Севільскі цырульнік», «Флорыя Тоска», «Снягурка», «Пікавая дама»; балетаў «Шчаўкунок», «Дама пікаў», «Карсар» і канцэртныя праграмы.
З 2012 года кіраўнік студэнцкага аркестра Беларускай акадэміі музыкі, прафесар аркестравага факультэта. У сезоне 2012—2013 гадоў студэнцкі аркестр сумесна з Дзяржаўным акадэмічным сімфанічным аркестрам рэспублікі Беларусь пад кіраўніцтвам маэстра Анісімава прадставіў на сцэне Вялікай залы Белдзяржфілармоніі пяць праграм: «Балеро» Равеля, Сімфонія № 9 Бетховена, III акт «Валькірыі» і III акт «Гібелі Багоў» Вагнера, «Паэма экстазу» Скрабіна, Сімфонія № 5 Кузняцова.
Выступленні правіць
Як запрошаны дырыжор Аляксандр Анісімаў выступаў у оперных тэатрах і канцэртных залах шматлікіх гарадоў былога Савецкага Саюза, у т.л. у Вялікім тэатры ў Маскве і Кіраўскім у Ленінградзе. Аляксандр Анісімаў дырыжаваў операй «Князь Ігар» Барадзіна на гастролях опернай трупы Кіраўскага тэатра ў Паўднёвай Карэі, прыняў удзел у пастаноўцы оперы «Вайна і мір» Пракоф’ева ў Сан-Францыска ў якасці асістэнта Валерыя Гергіева. Аляксандр Анісімаў супрацоўнічаў з Мсціславам Растраповічам у Англіі падчас пастаноўкі «Ваеннага рэквіема» Брытэна.
Сусветныя гастролі маэстра Анісімава ўключаюць выступленні ў Х'юстан-Гранд-Оперы, Оперы Сан-Францыска, тэатры Калон (Аргенціна), Дзяржаўнай оперы Паўднёвай Аўстраліі, Ла Фенічэ ў Венецыі, тэатры Карла Фелічэ ў Генуі, оперных тэатрах Гановера і Гамбурга, Комішэ Опер у Берліне, оперы Гарнье і оперы Бастыліі ў Парыж, Лісеу ў Барселоне, на фестывалі Пучыні ў Клагенфурце (Аўстрыя). Выступаў з Галандскім сімфанічным аркестрам, філарманічнымі аркестрамі Санкт-Пецярбурга, Варшавы, Монтэ-Карла і Ратэрдама, Літоўскім і Венгерскім Нацыянальным сімфанічнымі аркестрамі, сімфанічным аркестрам Бірмінгема, Каралеўскім філарманічным аркестрам Ліверпула, Лонданскім сімфанічным аркестрам, Нюрнбергскай філармоніяй, Маладзёжным аркестрам Аўстраліі, Лонданскім Каралеўскім філарманічным аркестрам і аркестрам Нацыянальнай акадэміі Санта-Чэчылія.
Маэстра ўвесь час працуе з Нацыянальным маладзёжным аркестрам Ірландыі, з якім ён паставіў Вагнераўскага цыкла «Пярсцёнка Нібелунгаў». Ён таксама плённа працуе з Ірландскай Операй і фестывалем ва Уэксфардзе, Аляксандр Анісімаў ганараваны званнем доктара музыкі (Honoris causa) Нацыянальнага ўніверсітэта Ірландыі, з’яўляецца Прэзідэнтам Вагнераўскага грамадства Ірландыі.
Пад кіраўніцтвам Аляксандра Анісімава былі зроблены запісы ўсіх сімфоній, балетаў «Раймонда» і «Поры года» Глазунова; усіх сімфоній і паэмы «Званы» Рахманінава ў выкананні Нацыянальнага сімфанічнага аркестра Ірландыі (NAXOS). Дзясятая сімфонія Шастаковіча з маладзёжным аркестрам Аўстраліі (MELBA) атрымала прэстыжную ўзнагароду «Golden Ear» (USA). Вялікім поспехам карыстаецца запіс на DVD нашумелай пастаноўкі «Лэдзі Макбет Мцэнскага павета» Шастаковіча ў Лісеу (EMI).
Сям’я правіць
Жанаты. Мае дзвюх дочак ад першага шлюбу і сына ад другога, чацвёра ўнукаў.
Узнагароды і званні правіць
- Заслужаны дзеяч мастацтваў Расіі (1995).
- Лаўрэат Дзяржаўнай прэміі Беларусі (1996).
- Медаль Францыска Скарыны (1998).
- Лаўрэат нацыянальнай тэатральнай прэміі «Залатая Маска» (2005).
- Народны артыст Беларусі (2011).
- Спецыяльная прэмія Прэзідэнта Рэспублікі Беларусь дзеячам культуры і мастацтва (2020) «за значны асабісты ўклад ва ўмацаванне міру і згоды ў грамадстве праз музыку, за рэалізацыю буйных рэспубліканскіх і міжнародных творчых праектаў».
Зноскі
- Щуплов А., Копылов С. Ангел по имени Монтсеррат // Столица. — 1995. — № 12.
- Маскоўская філармонія
- УКАЗ ПРЭЗІДЭНТА РЭСПУБЛІКІ БЕЛАРУСЬ 29 снежня 2020 г. № 499 Аб прысуджэнні спецыяльнай прэміі Прэзідэнта Рэспублікі Беларусь
Спасылкі правіць
- www.bpo.by 2 чэрвеня 2015.