Іван Іванавіч Строчка

Іван Іванавіч Стро́чка (10 кастрычніка 1919, вёска Пажарышча, Сенненскі павет, цяпер Бешанковіцкі раён — 17 студзеня 2001, Кіеў) — удзельнік Вялікай Айчыннай вайны. Герой Савецкага Саюза (1944).

Іван Іванавіч Строчка
Дата нараджэння	10 кастрычніка 1919(1919-10-10)
Месца нараджэння	Пажарышча, Сенненскі павет, Віцебская губерня, РСФСР
Дата смерці	17 студзеня 2001(2001-01-17) (81 год)
Месца смерці	Кіеў, Украіна
Месца пахавання	Лясныя могілкі^[d]
Грамадзянства	СССР
Прыналежнасць	СССР
Род войскаў	артылерыя^[d]
Званне	палкоўнік
Бітвы/войны	Вялікая Айчынная вайна
Узнагароды і званні

Біяграфія

Скончыў 7 класаў сярэдняй школы і 2 курсы Леніградскага электратэхнікума. З 1939 года ў Чырвонай Арміі. Удзельнік Вялікай Айчыннай вайны са жніўня 1941 г. У 1942 годзе скончыў Растоўскае артылерыйскае вучылішча. Ваяваў на Паўднёвым, 1-м Украінскім і 4-м Украінскім франтах, удзельнік баёў на Паўночным Каўказе, Украіне, у Польшчы.

Камандзір узвода 13-га знішчальна-процітанкавага артылерыйскага палка 37-й асобнай знішчальна-процітанкавай артылерыйскай брыгады 1-га Украінскага фронту малодшы лейтэнант Строчка вызначыўся ў жніўні 1944 года пры фарсіраванні Віслы каля горада Сандамір: з байцамі ўзвода фарсіраваў раку, захапіў плацдарм, на якім адбіў 5 атак, падбіў 6 танкаў праціўніка; у час бою змяніў камандзіра батарэі і ўтрымліваў рубеж да падыходу падмацавання.

У 1946 годзе скончыў Вышэйшую афіцэрскую артылерыйскую школу, у 1956 годзе Ваенную артылерыйскую камандную акадэмію. Да 1970 года ў Савецкай Арміі, да 1994 года на адміністрацыйнай рабоце. Жыў у Кіеве. Працаваў намеснікам дырэктара Кіеўскага бюро падарожжаў і экскурсій.

Узнагароды

• Медаль «Залатая Зорка»
• Ордэн Леніна
• Ордэн Чырвонага Сцяга
• Ордэн Айчыннай вайны 1-й ступені
• 2 ордэны Чырвонай Зоркі
• Медаль «За баявыя заслугі»
• Медалі

Заўвагі

1. Строчка Іван Іванавіч // Беларуская энцыклапедыя: У 18 т. Т. 15: Следавікі — Трыо — Мн.: Беларуская Энцыклапедыя імя Петруся Броўкі, 2002. — С. 207. — 552 с. — ISBN 985-11-0251-2
   <a href="https://wikidata.org/wiki/Track:Q13028710"></a><a href="https://wikidata.org/wiki/Track:Q24038862"></a><a href="https://wikidata.org/wiki/Track:Q14271902"></a>
2. БелЭн 2002.

Літаратура

• Стро́чка Іван Іванавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 207. — 10 000 экз. — ISBN 985-11-0035-8. — ISBN 985-11-0251-2 (т. 15).
• Стро́чка Іван Іванавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 431. — 10 000 экз. — ISBN 985-11-0214-8.

Спасылкі

• Іван Іванавіч Строчка на сайце «Героі краіны»
• Строчко Иван Иванович (руск.) (Праверана 2 чэрвеня 2023) // Праект «Память народа»
• Алея імя Героя Савецкага Саюза Івана Строчкі (Праверана 2 чэрвеня 2023) // Бешанковіцкая раённая газета «Зара»