Сяргей Васільевіч Рахманінаў (1 красавіка (20 сакавіка па старым стылі) 1873, Сямёнава, Старарускі павет, Наўгародская губерня, Расійская імперыя — 28 сакавіка 1943) — расійскі кампазітар, піяніст, дырыжор.
| Сяргей Васільевіч Рахманінаў Сергей Васильевич Рахманинов | |
|---|---|
| Асноўная інфармацыя | |
| Дата нараджэння | 1 красавіка 1873[…] |
| Месца нараджэння |
|
| Дата смерці | 28 сакавіка 1943[…] (69 гадоў) |
| Месца смерці | |
| Месца пахавання |
|
| Краіна | Расійская імперыя, ЗША |
| Бацька | Vasily Arkadyevich Rachmaninoff[d] |
| Маці | Lyubov Petrovna Butakova[d] |
| Муж | Natalya Satina[d] |
| Дзеці | Irene Sergievna Rachmaninoff[d] |
| Альма-матар |
|
| Месца працы |
|
| Музычная дзейнасць | |
| Прафесіі | кампазітар, піяніст, дырыжор, музыказнавец, віртуоз |
| Інструменты | фартэпіяна |
| Жанры | опера, сімфонія і класічная музыка |
| Узнагароды | залаты медаль Каралеўскага філарманічнага таварыства[d] (1932) |
| Аўтограф | |
| rachmaninoff.org | |
| Медыяфайлы на Вікісховішчы |
Біяграфічныя звесткі Правіць
Скончыў Маскоўскую кансерваторыю па класе фартэпіяна (1891, у А. Зілоці) і кампазіцыі (1892, у С.Танеева і А. Арэнскага). У 1895 канцэртаваў па Расіі і за мяжой. У 1897—98 дырыжор Маскоўскай прыватнай рускай оперы С. Мамантава, у 1904—06 — Вялікага тэатра. 3 1917 за мяжой, пераважна ў ЗША. У II сусветную вайну даваў канцэрты ў фонд Чырвонай Арміі.
Творчасць Правіць
С. Рахманінаў — адзін з апошніх кампазітараў-рамантыкаў, які завяршыў рускую рамантычную традыцыю М. Глінкі, П. Чайкоўскага, М. Рымскага-Корсакава. Яго музыцы ўласцівы яркі меладызм, маляўнічасць, арыгінальнасць гарманічнай мовы, багацце і разнастайнасцк рытмікі; рамантычны пафас і напружаны драматызм спалучаюцца з праніклівай лірыкай і паэтычнай сузіральнасцю.
Сярод твораў кампазітара оперы «Алека» (1892), «Скупы рыцар» і «Франчэска да Рыміні» (абедзве паст. 1904); кантата «Вясна» (1902), вакальна-сімфанічная паэма «Званы» (1913); сімфанічная паэма «Востраў мёртвых» (1909), «Тры рускія песні» для аркестра і хору (1926); 3 сімфоніі (1895, 1907, 1936), Сімфанічны танцы (1940), 4 канцэрты (1891, 1901, 1909, 1926); Рапсодыя на тэму Паганіні (1934) для фартэпіяна з аркестрам, фартэпіянныя варыяцыі, 2 фартэпіянныя санаты (1907, 1913), цыклы фартэпіянных п’ес. Больш за 80 рамансаў звязаны з вершамі рускіх паэтаў, сярод іх «Не спявай, прыгажуня, пры мне» («Не пой, красавица, при мне») на словы А. Пушкіна, «Вясеннія воды» («Весенние воды») на словы Ф. Цютчава, «У маўчанні ночы таямнічай» («В молчаньи ночи тайной») на словы А. Фета і інш. Меладычны дар С. Рахманінава выявіўся ў песні «Вакаліз» (1915), якая злучае тыпова рускую распеўнасць са строгай рытмічнай астынатнасцю барочнай арыі. У галіне камернай інструментальнай музыкі значнымі творамі з’яўляюцца «Элегічнае трыа. Памяці вялікага мастака П. І. Чайкоўскага» (1893) і саната для віяланчэлі і фартэпіяна (1901).
Выканальніцкае мастацтва С. Рахманінава — адно з вышэйшых дасягненняў сусветнага піянізму XX ст.
Бібліяграфія Правіць
- Литературное наследие. Т. 1—3. М., 1978—80.
Зноскі
- ↑ Г. Риман Рахманинов // Музыкальный словарь: Перевод с 5-го немецкого издания / под ред. Ю. Д. Энгель — М.: Музыкальное издательство П. И. Юргенсона, 1901. — Т. 3. — С. 1084.
- Rachmaninoff, Sergei Vasilievich // The Enciclopædia Britannica — 12 — London, NYC: 1922. — Vol. XXXII Pacific Ocean Islands to Zuloaga. — P. 219.
- Рахманинов Сергей Васильевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
- Sergei Rachmaninov // Internet Broadway Database — 2000. Праверана 9 кастрычніка 2017.
- https://www.nytimes.com/1943/04/20/archives/rachmaninoff-will-filed-estate-except-2-pieces-of-land-in-germany.html
- ↑ Pas L. v. Genealogics — 2003.
Літаратура Правіць
- Савіцкая В. Рахманінаў // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).
- Келдыш Ю. Рахманинов и его время. — М., 1973. (руск.)
- Брянцева В. С. В. Рахманинов. — М., 1976. (руск.)
- Воспоминания о Рахманинове. Т. 1—2. 5 изд. — М, 1988. (руск.)
- Паисов Ю. Жизнестойкость романтического миросозерцания: Рахманинов // Русская музыка и XX в. — М., 1997. (руск.)
Спасылкі Правіць
- На Вікісховішчы ёсць медыяфайлы па тэме Сяргей Васільевіч Рахманінаў