Таццяна Міхайлаўна Каламійцава (2 жніўня 1914, Санкт-Пецярбург — 28 сакавіка 1994, Мінск) — савецка-беларуская дырыжор, першая жанчына-дырыжор у БССР. Народная артыстка БССР (1964).
Біяграфія правіць
Вучылася ў Адэскай кансерваторыі па класе дырыжыравання, пачынала свой прафесійны шлях дырыжорам-асістэнтам ў дзяржаўным сімфанічным аркестры СССР.
Таццяна Каламійцава прыбыла ў Мінск адразу пасля вызвалення горада ад акупантаў у 1944-м. Тут яе запрасілі працаваць дырыжорам у Нацыянальным акадэмічным Вялікім тэатры оперы і балета. Яна кіравала шматлікімі пастаноўкамі, у ліку якіх опера «Трубадур» (Д. Вердзі), опера «Пікавая дама», балеты «Шчаўкунок» і «Лебядзінае возера» Пятра Чайкоўскага. Яна часта дырыжыравала і прадстаўленнямі беларускіх творцаў — напрыклад, «Палымяныя сэрцы» В. Залатарова, «Выбранніца» Я. Глебава, «Алеся» (Я. Цікоцкага).
Таццяна Міхайлаўна запомнілася многім, таму што яна была першай жанчынай-дырыжорам у СССР. У Нацыянальным акадэмічным Вялікім тэатры оперы і балета да гэтага часу ідзе опера Джакама Пучыні «Мадам Батэрфляй» у пастаноўцы гэтай легендарнай жанчыны.
Тэатральныя пастаноўкі правіць
- Оперы:
- «Яўген Анегін» (П. Чайкоўскі)
- «Пікавая дама» (П. Чайкоўскі)
- « Алеся» (Я. Цікоцкі)
- «Трубадур» (Д. Вердзі)
- «Любоўны напой»(Г. Даніцэці)
- Балеты:
- «Папялушка»(С. Пракоф’еў)
- «Шчаўкунок» (П. Чайкоўскі)
- «Лебядзінае возера» (П. Чайкоўскі)
- «Выбранніца» (Я. Глебаў)
- Аперэты:
- «Лятучая мыш»(І. Штраус)
Узнагароды правіць
Зноскі
- ↑ Белорусский балет в лицах / Ю. М. Чурко. — Минск, 1988. — C. 167—170
- ↑ https://minsknews.by/pervoj-v-sssr-zhenshhine-dirizheru-tatyane-kolomijczevoj-2-avgusta-ispolnilos-by-105-let/ 25 лютага 2021.
- https://bis.nlb.by/ru/documents/128662
- ↑ Тэатральная Беларусь : энцыклапедыя : [у 2 т.]. — Мінск, 2002. — Т. 1. — С. 432
Спасылкі правіць
- Каламійцава Таццяна Міхайлаўна на сайце анлайн-энцыклапедыі «Беларусь у асобах і падзеях»