Аляксандр Георгіевіч Длатоўскі

Аляксандр Георгіевіч Длатоўскі (нар. 24 красавіка 1938, Мінск) — беларускі дызайнер, выкладчык.

Аляксандр Георгіевіч Длатоўскі
Дата нараджэння	24 красавіка 1938(1938-04-24) (85 гадоў)
Месца нараджэння	Менск, Менская вобласць, БССР, СССР
Грамадзянства	БССР  Беларусь
Род дзейнасці	мастак
Месца працы	Мінскпраект Беларуская дзяржаўная акадэмія мастацтваў БДУ
Вучоба	Мінскі будаўнічы тэхнікум (1958) Беларускі дзяржаўны тэатральна-мастацкі інстытут (1971)
Член у	Беларускі саюз дызайнераў

Біяграфія

Скончыў Мінскі архітэктурна-будаўнічы тэхнікум па спецыяльнасці архітэктура (1958). Скончыў Беларускі дзяржаўны тэатральна-мастацкі інстытут (цяпер Беларуская дзяржаўная акадэмія мастацтваў) па спецыяльнасці «Прамысловае мастацтва» (1971).

з 1961 г. працаваў у дзяржаўным праектным інстытуце «Мінскпраект». Мастак-канструктар на станкабудаўнічым заводзе імя Кастрычніцкай рэвалюцыі (1964—1966). Вядучы мастак-канструктар, загадчык лабараторыяй тэхнічнай эстэтыкі ў канструктарскім бюро дакладнага электроннага машынабудавання (1966—1971). З 1971 года працаваў у Беларускім філіяле НДІТЭ — вядучы мастак-канструктар, галоўны мастак-канструктар праектаў аддзела машынабудавання, загадчык аддзелам тавараў народнага спажывання, кіраўнік аддзела тавараў народнага спажывання пры Мінгарвыканкаме (Гарадскі каардынацыйны цэнтр па таварах народнага спажывання). Старшыня Беларускага саюза дызайнераў (1987—1995). Дырэктар Беларускага нацыянальнага дызайн-цэнтра (1992—1996). З 1991 года кіраўнік творчай дызайн студыі «Д». Дэкан факультэта дызайну Беларускай акадэміі мастацтваў (1998). Дацэнт кафедры прамысловага дызайну Беларускай дзяржаўнай акадэміі мастацтваў (2000—2009). Дацэнт кафедры дызайну БДУ (2009). Член міжнароднай асацыяцыі Саюза Дызайнераў (1994). Дарадца па пытаннях дызайну Беларускай акадэміі архітэктуры (2000).