Аляксандр Аляксандравіч Салаўёў

Аляксандр Аляксандравіч Салаўёў (13 верасня 1926, в. Салані, Ленінградская вобласць, РСФСР — 23 мая 2021) — беларускі мастак тэатра. Заслужаны дзеяч мастацтваў БССР (1982).

Аляксандр Аляксандравіч Салаўёў
Дата нараджэння	13 верасня 1926(1926-09-13)
Месца нараджэння	Салані^[d], Лужскі раён, СССР
Дата смерці	23 мая 2021(2021-05-23) (94 гады)
Месца смерці	Віцебск, Віцебская вобласць, Беларусь
Месца пахавання	Мазурынскія могілкі^[d]
Грамадзянства	СССР  Беларусь
Род дзейнасці	мастак
Месца працы	Нацыянальны акадэмічны драматычны тэатр імя Якуба Коласа
Вучоба	Беларускі дзяржаўны тэатральна-мастацкі інстытут (1965) Ленінградскае вышэйшае мастацка-прамысловае вучылішча імя В. Мухінай (1957)
Мастацкі кірунак	абстрактны экспрэсіянізм
Член у	Беларускі саюз мастакоў
Узнагароды
Медыяфайлы на Вікісховішчы

У Вікіпедыі ёсць артыкулы пра іншых асоб з прозвішчам Салаўёў.

• 3 Зноскі

Біяграфія

Скончыў Ленінградскае Вышэйшае мастацка-прамысловае вучылішча імя В. І. Мухінай (1957), Беларускі тэатральна-мастацкі інстытут (1965). З 1965 года — у Віцебску. Мастак-пастаноўшчык, у 1977—1990 гадах — галоўны мастак Беларускага дзяржаўнага акадэмічнага драматычнага тэатра імя Я. Коласа. Член Беларускага саюза мастакоў (1966).

Памёр 23 мая 2021 года. Пахаваны 25 мая на Мазурынскіх могілках у Віцебску.

Творчасць

Працаваў у тэатральна-дэкарацыйным мастацтве, станковым жывапісе і графіцы.

Аформіў больш за 100 спектакляў, сярод якіх: «Сымон-музыка» паводле Я. Коласа (1976), «Кастусь Каліноўскі» У. Караткевіча (1978), «Парог» (1982), «Радавыя» (1984) А. Дударава, «Рамэа і Джульета» У. Шэкспіра (1986), «Мудрамер» М. Матукоўскага (1988), «Каварства і любоў» А. Петрушэўскай (1989) і інш.

Аўтар жывапісных работ: «Дзве птушкі» (1984), «Накцюрн» (1998), «Водбліскі» (2003), «Экспромт» (2008), «Папярэджанне» (2008), «Настальгія» (2008), «Рэквіем па дрэве» (2008), «Мара» (2008), «Кампазіцыя» (2009), «Галактыка» (2010), «Метамарфозы» (2010); трыпціха «Прысвячэнне жанчыне» (2007); цыклаў «Фарбы зямлі» (1974—1985), «Русь» (1975—1985), «Тэатр» (1977—1980), «Космас» (1978—1982) і інш.

Зноскі

1. Памёр мастак-авангардыст Аляксандар Салаўёў

Літаратура

• Цыбульский, М. Л. Соловьев Александр Александрович / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2011. — Т. 2 : Витебская область. Кн. 2. — С. 481.
• Іваноўскі Ю. І. Салаўёў Аляксандр Аляксандравіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 103. — 10 000 экз. — ISBN 985-11-0035-8. — ISBN 985-11-0238-5 (т. 14).