Путры́шкаўскі сельсавет — адміністрацыйна-тэрытарыяльная адзінка ў складзе Гродзенскага раёна Гродзенскай вобласці. Цэнтр — аграгарадок (да 2010 г. вёска) Путрышкі.
| Путрышкаўскі сельсавет | |
|---|---|
| Краіна | Беларусь |
| Уваходзіць у | Гродзенскі раён |
| Уключае | 15 населеных пунктаў |
| Адміністрацыйны цэнтр | Путрышкі |
| Дата ўтварэння | 12 кастрычніка 1940 |
| Насельніцтва (2009) | 2 278 |
| Часавы пояс | UTC+03:00 |
| Код аўтам. нумароў | 4 |
Утвораны 12 кастрычніка 1940 года ў складзе Гродзенскага раёна Беластоцкай вобласці БССР. З 20 верасня 1944 года ў складзе Гродзенскай вобласці. 2 снежня 1961 года ў склад сельсавета з Грандзіцкага сельсавета перададзены вёскі Малышчына і Кульбакі. 11 лютага 1972 года ў склад Грандзіцкага сельсавета перададзены вёскі Астравок і Русота. 22 снежня 1975 года ў склад Верцялішкаўскага сельсавета перададзены вёскі Казіміроўка і Тужаўляны. 16 сакавіка 1987 года да сельсавета далучана тэрыторыя скасаванага Грандзіцкага сельсавета (12 населеных пунктаў: Астравок 1, Астравок 2, Грандзічы, Дзевятоўка, Дуброва, Зарыца, Кукалі, Лапенкі, Падкрыжакі, Русота, Русота Каменная і Чашчаўляны), скасавана вёска Змяёва.
24 красавіка 2008 года ў склад горада Гродна перададзены вёскі Астравок 2, Аульс, Грандзічы, Дзевятоўка, Кульбакі, Лапенкі, Малышчына, Падкрыжакі, Панямунь і часткі вёсак Дуброва, Забалаць, Зарыца і Чашчаўляны.
Насельніцтва сельсавета паводле перапісу 2009 года — 2278 чалавек, з іх 47,9 % — беларусы, 40,3 % — палякі, 9,1 % — рускія.
Зноскі
- Рашэнне выканкома Гродзенскага абласнога Савета дэпутатаў працоўных ад 2 снежня 1961 г. // Зборнік законаў Беларускай ССР і указаў Прэзідыума Вярхоўнага Савета Беларускай ССР. — 1961, № 2 (961).
- Рашэнне выканаўчага камітэта Гродзенскага абласнога Савета дэпутатаў працоўных ад 11 лютага 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 8 (1346).
- Рашэнне выканаўчага камітэта Гродзенскага абласнога Савета дэпутатаў працоўных ад 22 снежня 1975 г. // Зборнік законаў Беларускай ССР і указаў Прэзідыума Вярхоўнага Савета Беларускай ССР. — 1976, № 8 (1490).
- Рашэнне выканкома Гродзенскага абласнога Савета народных дэпутатаў ад 16 сакавіка 1987 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1987, № 23 (1901).
- Указ Президента Республики Беларусь от 24 апреля 2008 г. № 234 О некоторых вопросах административно-территориального устройства г.Гродно и Гродненского района
- Колькасць насельніцтва населеных пунктаў Беларусі паводле перапісу 2009 года 2 кастрычніка 2019.
- Этнічны склад насельніцтва сельсаветаў Беларусі паводле перапісу 2009 года
Літаратура Правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.