Нікадзім Юр’евіч Сілівановіч (руск.: Никодим Силиванович; 25 снежня 1834, в. Цынцавічы, Вілейскі раён — 1918 ці 1919) — беларускі і расійскі мастак, акадэмік Пецярбургскай акадэміі мастацтваў.
| Нікадзім Юр'евіч Сілівановіч | |
|---|---|
| Нікадзім Сілівановіч. Аўтапартрэт | |
| Дата нараджэння | 25 снежня 1834 |
| Месца нараджэння | |
| Дата смерці | 21 мая 1919 (84 гады) |
| Месца смерці | |
| Грамадзянства | |
| Род дзейнасці | мастак, мастак-мазаічыст |
| Жанр | партрэтны жывапіс |
| Вучоба | Пецярбургская Імператарская акадэмія мастацтваў |
| Вядомыя працы | «Салдат з хлопчыкам» |
| Уплыў | Фёдар Антонавіч Бруні, Alexey Tarasovich Markov[d] і Carl Timoleon von Neff[d] |
| Узнагароды | |
| Медыяфайлы на Вікісховішчы |
У Маладзечне атрымаў агульную адукацыю ў павятовым пяцікласным вучылішчы для дваран. У 1859 годзе паступіў у Пецярбургскую Імператарскую акадэмію мастацтваў, дзе спецыялізаваўся на партрэтным жывапісе. Праз чатыры гады Сілівановіч атрымаў званне вольнага мастака, пасля чаго вярнуўся ў родную вёску. Пачаў займацца царкоўным жывапісам. У 1866 годзе яму было прысвоена званне класнага мастака 3 ступені. Зноў вучыцца ў акадэміі ў класе мазаікі. Неўзабаве атрымлівае званне класнага мастака 2 ступені, а там ужо і 1 ступені. Таленавітага мастака заўважыў Брулоў, які і прапанаваў Сілівановічу прыняць удзел у стварэнні мазаікі «Тайная вячэра» ў галоўным іканастасе Ісакіеўскага сабора ў Пецярбургу.
Карціны мастака знаходзяцца па ўсім свеце. Адна з іх — «Салдат з хлопчыкам» — знаходзіцца ў Нацыянальным мастацкім музеі Беларусі. Яшчэ адна — «У цямніцы» — захоўваецца ў карпаратыўнай калекцыі Белгазпрамбанка ў Мінску.
Ушанаванне памяці правіць
- На радзіме Сілівановіча ў Вілейцы пры Вілейскім краязнаўчым музеі працуе выставачная зала яго імя .
- У вёсцы Цынцавічы Вілейскага раёна адкрыты памятны знак Сілівановічу .
- Творчасць Сілівановіча становіцца тэмай прац для яго землякоў. Некалькі карцін, прысвечаных у тым ліку Сілівановічу, намаляваў вілейскі мастак-жывапісец Эдуард Мацюшонак. .
Зноскі
- ↑ https://www.ipsb.nina.gov.pl/a/biografia/nikodem-syliwanowicz
- В темнице 29 жніўня 2021.
- ↑ Вілейскі мастак Эдуард Мацюшонак паказаў чытачам «РГ» сваю выстаўку 10 чэрвеня 2015. //«Рэгіянальная газета»
- Адкрыццё помніка акадэміку Сілівановічу 24 красавіка 2016. //«Рэгіянальная газета»
Літаратура правіць
- Трыгубовіч В. А. Сілівановіч Нікадзім Юр'евіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 378. — 10 000 экз. — ISBN 985-11-0035-8. — ISBN 985-11-0238-5 (т. 14).
Спасылкі правіць
- Жизнь и творческий путь незаслуженно забытого академика. (руск.)
- Сілівановіч Нікадзім Юр'евіч на сайце анлайн-энцыклапедыі «Беларусь у асобах і падзеях»