Рэгіянальная газета

«Рэгіянальная газета» — беларуская газета, якая выдаецца з 28 красавіка 1995 года. Рэгіён распаўсюджвання — былы цэнтр Вілейскай, а пасля Маладзечанскай вобласці — часткі колішняй Віленшчыны. Выданне аб’ядноўвае інфармацыйную прастору чатырох раёнаў Мінскай вобласці (Маладзечанскі, Вілейскі, Мядзельскі і Валожынскі) і трох раёнаў Гродзенскай вобласці (Смаргонскі, Ашмянскі, Астравецкі).

«Тыднёвік "Рэгіянальная газета"»
Маладзечна, Вілейка, Смаргонь, Ашмяны, Валожын, Мядзел, Астравец
Арыгінальная назва	Рэгіянальная газета
Тып	перыядычнае выданне^[d]
Фармат	24 старонкі, фармат А3
Уладальнік	Аляксандр Манцэвіч, Ніна Манцэвіч
Выдавец	Таварыства з абмежаванай адказнасцю "Рэдакцыя газеты "Рэгіянальная газета""
Галоўны рэдактар	Аляксандр Манцэвіч
Заснавана	28 красавіка 1995
Палітычная прыналежнасць	Незалежная
Мова	беларуская
Галоўны офіс	Маладзечна, Вялікі Гасцінец, 68 а, 222310
Тыраж	6500
ISSN	1992-7155
Вэб-сайт	http://rh.by

У рамках пагрому незалежных беларускіх медыя 19 ліпеня 2021 года адбыліся ператрусы ў рэдакцыі і журналістаў, галоўнага рэдактара дапыталі. Падставы былі невядомыя, у журналістаў забралі тэхніку. 22 ліпеня рэдакцыя паведаміла, што прыпыняе выпуск газеты на паперы.

20 студзеня 2022: iнфармацыйную прадукцыю сайта і тэлеграм-канала маладзечанскай «Рэгіянальнай газеты» прызналі экстрэмісцкімі матэрыяламі. Адапаведнае рашэнне прыняў суд Маладзечанскага раёна.

10 Зноскі

Выходныя звесткі

24-х палосны тыднёвік фармату А3, тыраж (май 2018) 5000 экзэмпляраў.

Гісторыя

«Рэгіянальная газета» («РГ») была першым масавым недзяржаўным выданнем у рэгіёне. Спачатку газета выходзіла на 4 старонках, паступова набірала аб’ём, паляпшала якасць інфармацыі і сваё афармленне, стаўшы аўтарытэтным мясцовым выданнем. Адзін з нешматлікіх беларускамоўных рэгіянальных СМІ ў Беларусі.

Лагатып газеты да 2014 года:

На старонках газеты і на сайце выдання публікаваліся навукоўцы і краязнаўцы:

• Адам Мальдзіс,
• Генадзь Каханоўскі (пасмяротныя публікацыі)
• Анатоль Рогач,
• Кастусь Харашэвіч,
• Анатоль Капцюг,
• Алесь Карлюкевіч,
• Сымон Барыс,
• Міхась Казлоўскі,
• Мікола Капыловіч
• Сяргей Чыгрын,
• Уладзімір Содаль,
• Вольга Коласава,
• Барыс Бароўскі,
• Аляксандр Зайцаў,
• Наталля Іванова,
• Сяргей Верамейчык,
• Алена Саламевіч,
• Уладзімір Прыхач,
• Міхаіл Міхалевіч,
• Анатоль Сцебурака,
• Валянцін Ількевіч,
• Стэфан Плавінскі

Неаднойчы «РГ» станавілася ініцыятарам грамадзянскіх і культурных акцый. Адна самая істотная з іх — штогодні рэгіянальны конкурс самадзейных выканаўцаў «Адна зямля». «РГ» выступіла заснавальнікам яго разам з аддзеламі культуры раёнаў рэгіёну. Цяпер гэта адзін з самых папулярных рэгіянальных конкурсаў у Беларусі.

Некалькі разоў газета падвяргалася рэпрэсіям. У 2004 годзе яна вымушаная была прыпыняць свой выхад пасля адпаведнага загаду міністра інфармацыі.

Палітычны крызіс 2020-х гадоў

Пасля прэзідэнцкіх выбараў 2020 года і наступных масавых пратэстаў пераслед рэжымам Лукашэнкі незалежных медыя і грамадскіх арганізацый Беларусі дасягнуў апагею ў ліпені 2021 года. У многіх выданнях прайшлі ператрусы і затрыманні журналістаў. 19 ліпеня 2021 года ператрусы прайшлі ў рэдакцыі і журналістаў газеты, галоўнага рэдактара дапыталі. У журналістаў забралі тэхніку. 22 ліпеня рэдакцыя паведаміла, што прыпыняе выпуск газеты на паперы.

15 сакавіка 2023 года затрымалі 64-гадовага заснавальніка і галоўнага рэдактара «Рэгіянальнай газеты» Аляксандра Манцэвіча, завялі крымінальную справу, пасля перавялі ў следчы ізалятар, відавочна ў межах палітычных рэпрэсій супраць незалежных СМІ ў Беларусі. Аляксандр Манцэвіч фактычна стаў палітычным вязнем.

Сённяшні дзень

«РГ» выходзіць кожную пятніцу на 24 старонках, мае абноўленую інтэрнэт-версію, дзе публікуецца інфармацыя, а таксама рэклама і аб’явы з усяго рэгіёну.

«Рэгіянальная газета» — недзяржаўнае выданне, якое не з’яўляецца выразнікам інтарэсаў і пазіцый якой-небудзь палітычнай партыі, рэлігійнай канфесіі, органаў улады. У сваіх публікацыях паказвае супрацьлеглыя пункты гледжання, пазбягаючы тэндэнцыйнасці.

Уваходзіць у склад «Асацыяцыі выдаўцоў рэгіянальнай прэсы „Аб’яднаныя Масмедыі“».

Грамадскія ініцыятывы

«Рэгіянальная газета» падтрымлівае грамадскія ініцыятывы, выступаючы інфармацыйным спонсарам некаторых з іх. У 2013 годзе з’яўлялася інфармацыйным спонсарам трохдзённага фестывалю-конкурсу «Час жыць», накіраванага на папярэджанне суіцыдаў у асяродку моладзі, які праходзіў у Маладзечне.

Акцыі газеты

2013 год. 12 ліпеня 2013 года «Рэгіянальная газета» правяла акцыю «Зрабіце нам дарогу». Людзі фатаграфаваліся з плакатамі, на якіх па-рознаму абыгрывалі просьбу адрамантаваць унутрыдваровую дарогу ў Маладзечне: «Хто дасць грошы на падвеску?», «Няма дарог — давай метро», «За што плачу падаткі?», «Баюся зламаць ногі», «Нязручна хадзіць на абцасах» і іншыя. Перад акцыяй карэспандэнты падлічылі колькасць ямінаў на невялікім адрэзку дарогі, памералі іх глыбіню . Пасля акцыі зладзілі інтэрв’ю з дырэктарам раённым прадпрыемствам «Камунальнік». Восенню «Камунальнік» адрамантаваў першую частку дарогі . Налета дарожнікі закончылі працу.

2014 год. Дзеці са школы-інтэрната для слабавідушчых. Цягам некалькіх месяцаў карэспандэнтка «Рэгіянальнай газеты» Настасся Роўда наведвалася ў маладзечанскую школу-інтэрнат № 2 для дзяцей са слабым зрокам. Журналістка спрабавала адчуць, чым жыве школа, чым жывуць дзеці, якія туды трапляюць. Сярод 107 дзяцей, якія вучыліся ў школе на той момант, — 72 інваліды па зроку і 30 сірот. У гутарках сацыяльныя педагогі установы расказалі, з якімі праблемамі звяртаюцца дзеці, і складанасці, да якіх мусіць быць гатовы той, хто прыходзіць сюды працаваць. Журналістка дазналася пра жыццёвыя лёсы некаторых дзяцей. Вынікам праекта стала відэа, якое паказвае жыццё дзяцей у школе-інтэрнаце. У газеце апублікавалі артыкул.

Не — будоўлі на месцы жалобы. Краязнаўца з Валожына Георгі Каржанеўскі звярнуўся ў рэдакцыю, каб зрабіць здабыткам грамадскасці планы будаўніцтва жылых дамоў на гарадскім стадыёне, дзе ў часы Другой сусветнай вайны расстралялі фашысты расстралялі 200 яўрэяў. Газета пісала аб пікеце, які зладзіў грамадскі актывіст, знайшла і апублікавала архіўныя дакументы, якія сведчылі аб масавых расстрэлах у гэтым месцы. Журналісты знайшлі і сустрэліся з яшчэ жывымі сведкамі тых падзей. Інтэрв’ю з імі былі апублікаваныя. Георгі Каржанеўскі памер незадоўга да ініцыяваных з дапамогай газеты раскопак на стадыёне ў Валожыне. Вынікі раскопак пацвердзілі дадзеныя, сабраныя Каржанеўскім і журналістамі «Рэгіянальнай газеты». Парэшткі эксгумаваных ахвяр перапахавалі. Дамы на стадыёне не сталі будаваць. На месцы трагедыі гараджане заклалі мемарыяльную алею.

Пратэсты супраць будоўлі буйных свінакомплексаў на Маладзечаншчыне. Адзін планавалася пабудаваць каля вёскі Соўлава, другі — каля вёскі Мойсічы, у трох кіламетрах ад Маладзечна. «Рэгіянальная газета» асвятляла збор подпісаў грамадзян пад пратэстам супраць будаўніцтва гэтых аб’ектаў. У газеце цягам некалькіх месяцаў выходзілі артыкулы, рэпартажы і аналітычныя матэрыялы, прысвечаныя гэтай праблеме. Карэспандэнты былі на грамадскім абмеркаванні будаўніцтва ў Маладзечне, куды прыйшло сто чалавек. Журналісты сустракаліся з жыхарамі Валожыншчыны, якія жывуць побач з такім самым, ужо пабудаваным, свінакомплексам. Гутарылі з эколагам і інжынерам-геолагам пра небяспеку будаўніцтва комплексу.

«Рэгіянальная газета» ў сеціве

Упершыню «Рэгіянальная газета» стварыла свой сайт у сакавіку 2000 года. Стваральнік — маладзечанец Дзмітрый Бараноўскі. Інтэрнэт-старонка выдання была адным з першых падобных рэсурсаў у рэгіёне. Да 2009 года інтэрнэт-версія газеты неістотна адрознівалася па змесце ад папяровай версіі выдання. У асноўным публікацыі, змешчаныя ў сеціве, паўтаралі старонкі тыднёвіка. Змест сайта абнаўляўся 1 раз на тыдзень.

Пасля запуску абноўленай версіі сайта 15 мая 2009 года на новым адрасе палітыка выдання адносна зместу і рэгулярнасці падачы інфармацыі змянілася. З гэтага часу сайт публікуе навіны штодня, што робіць немагчымым размяшчэнне многіх з іх у тыднёвіку з прычыны страты актуальнасці.

25 лістапада 2009 года тыднёвік быў адзначаны дыпломам інстытута FOJO, Швецыя, за найлепшы рэдызайн Інтэрнэт-сайта.

Адной з прыкмет сайта «Рэгіянальнай газеты» стала яго мультымедыйнасць. Тут публікуюцца фотарэпартажы, аўдыёзапісы, відэа.

1 мая 2013 года рэдакцыя правяла сваю першую анлайн-трансляцыю з вуліц Маладзечна. 13 мая 2013 года ў прамым інтэрнэт-эфіры прайшоў круглы стол, прысвечаны праблемам мясцовага футбола.

Асноўныя рубрыкі і раздзелы газеты

• Адна зямля (культура)
• Базарны дзень (эканоміка)
• Куфэрак (гісторыя)
• Вакол здарэння
• Грамадства
• Сектар спорту
• Рэклама і аб’явы
• Тэлетыдзень (праграма тэлебачання)

Творчыя праекты

• Госць нумара (працягваецца)
• Школка дзядзькі Капцюга (працягваецца, аўтар Анатоль Капцюг)
• Дзікая прырода (2011 год — першы этап, аўтар Віктар Казлоўскі)
• Думкі ўслых (да 2011 года, аўтар Марына Сліж)
• Цыкл публікацый краязнаўца Анатоля Рогача
• Разам з «Вілейскім краязнаўчым музеем» рэалізуе праект пад назвай «Найцікавейшыя экспанаты», паводле якога журналіст Алесь Высоцкі расказвае аб экспанатах, якія могуць выклікаць найбольшую цікавасць наведнікаў музея.

Журналісты і аўтары ў штаце

• Зоя Хруцкая, загадчык аддзела інфармацыі
• Настасся Роўда, карэспандэнт
• Наталля Тур, карэспандэнт
• Алесь Высоцкі, карэспандэнт па Вілейскім і Мядзельскім раёнах
• Галіна Сініца, карэспандэнт
• Марыя Бераснева, стыльрэдактар

Аўтары

• Сяргей Гайковіч, спартыўны аглядальнік
• Аляксандра Парахня
• Вольга Юркевіч

Узнагароды, адзнакі

• Лепшая рэгіянальная газета 2015 года. Конкурс «Асацыяцыі выдаўцоў рэгіянальнай прэсы „Аб’яднаныя Масмедыі“».
• Трэцяе месца ў намінацыі «Дэбют» ў намінацыі конкурса «Вольнае слова» (2015) у журналісткі Настассі Роўды.
• Другое месца ў намінацыі «Дэбют» конкурса «Вольнае слова» (2013) у журналісткі Зоі Хруцкай.
• Дыплом за перамогу ў намінацыі «Лепшы тлумачальны артыкул» конкурсу «Лепшая рэгіянальная газета года 2013», арганізаванага Асацыяцыяй выдаўцоў рэгіянальнай прэсы «Аб’яднаныя Мас-медыі»
• Другое месца ў намінацыі «Лепшая рэгіянальная газета года» конкурсу «Лепшая рэгіянальная газета года 2013», арганізаванага Асацыяцыяй выдаўцоў рэгіянальнай прэсы «Аб’яднаныя Мас-медыі».
• Дыплом інстытута FOJO, Швецыя, за найлепшы рэдызайн Інтэрнэт-сайта.
• Спецыяльны прыз газеце па выніках конкурсу пасольства Польшчы у Беларусі «Польшча — прыязная суседка Беларусі» (2006) «Рэгіянальная газэта» была адзначаная як самая актыўная па колькасьці ўдзельнікаў і дасланых матэрыялаў.

Зноскі

1. Аб «Рэгіянальнай газеце» 1 сакавіка 2013.
2. "Рэгіянальная газета" прыпыняе выхад друкаванага выдання  (бел.). Еўрапейскае радыё для Беларусі (22 ліпеня 2021). Архівавана з першакрыніцы 23 ліпеня 2021. Праверана 23 ліпеня 2021.
3. Молодеченская «Региональная газета» прекращает выпуск печатной версии издания (руск.). Медиазона (22 ліпеня 2021). з першакрыніцы 23 ліпеня 2021. Праверана 23 ліпеня 2021.
4. АА. «Рэгіянальная газета» прыпыніла выпуск на паперы  (бел.). Белсат (22 ліпеня 2021). з першакрыніцы 23 ліпеня 2021. Праверана 23 ліпеня 2021.
5. "Рэгіянальная перыёдыка Беларусі на шляху станаўлення. Уладзімір Касько, Беларускі дзяржаўны ўніверсітэт (нявызн.)(недаступная спасылка). з першакрыніцы 27 студзеня 2016. Праверана 9 студзеня 2013.
6. «Тут і сёння». Анатоль Гуляеў, медыяэксперт
7. «Куды ні плюнь — „акупацыйная“ прэса!». Аляксандр Класкоўскі, кіраўнік аналітычных праектаў інфармацыйнай кампаніі БелаПАН, медыяэксперт
8. Онлайн-версія «Рэгіянальнай газеты» 18 мая 2013.
9. Генадзь Каханоўскі. «Мемуарная літаратура і краязнаўства» //«Рэгіянальная газета», 7 студзеня 2000 г., № 1 (246), 4 лютага 2000 г., № 5 (250),
10. Мікола Капыловіч. «Спадчына Уладзіміра Зянько» //«Рэгіянальная газета», 4 лютага 2000 г., № 5 (250),
11. Зніклыя скарбы Напалеона. Таямніца возера Вула (1812—2012) ля Вілейкі 5 сакавіка 2016.
12. Праваабаронцы аб прыпыненні выхаду газеты
13. https://euroradio.fm/peratrus-u-regiyanalnay-gazece-u-maladzechne
14. https://officelife.media/news/26778-novyy-obysk-v-redaktsii-molodechnenskoy-regionalnoy-gazety/ 27 кастрычніка 2021.
15. https://www.currenttime.tv/a/belarus-smi/31366760.html
16. Архіўная копія (нявызн.)(недаступная спасылка). з першакрыніцы 27 кастрычніка 2021. Праверана 11 кастрычніка 2021.
17. https://www.instagram.com/p/CRo0Rp7ITMY/
18. https://baj.by/be/content/na-galounaga-redaktara-regiyanalnay-gazety-alyaksandra-mancevicha-zavyali-kryminalnuyu
19. https://nashaniva.com/312744
20. https://www.svaboda.org/a/32330967.html
21. https://www.racyja.com/hramadstva/suprats-galounaga-redaktara-regiyan/
22. https://belsat.eu/in-focus/23-03-2023-masavyya-represii-pratsyagvayutstsa
23. https://euroradio.fm/na-galounaga-redaktara-regiyanalnay-gazety-raspachali-kryminalnuyu-spravu
24. Сёння ў Маладзечне пачаўся трохдзённы конкурс-фестываль «Час жыць» 24 верасня 2015. //«Рэгіянальная газета»
25. Узнагароджанне пераможцаў творчых конкурсаў фестываля «Час жыць» 2 лютага 2016. //«Рэгіянальная газета»
26. «Час жыць» — погляд на фестываль яго ўдзельніцы 2 лютага 2016. //«Рэгіянальная газета»
27. Інтэрактыўны тэатр дапамагаў вырашаць складаныя пытанні на фестывалі «Час жыць» 2 лютага 2016. //«Рэгіянальная газета»
28. Канцэрт-конкурс фестываля «Час жыць»: Таццяна Беланогая, тэатр ценяў і аўтарская песня 2 лютага 2016. //«Рэгіянальная газета»
29. На 150 метраў дарогі — 193 яміны. Людзі фатаграфаваліся з ахвотай 2 лютага 2016. //«Рэгіянальная газета»
30. На 150 метраў дарогі — 193 яміны. Праезд у дварах, уздоўж гімназіі № 6 да «Космаса», цалкам разбіты 2 лютага 2016. //«Рэгіянальная газета»
31. Кіраўнік «Камунальніка»: «Газета з акцыяй паспяшалася» 2 лютага 2016. //«Рэгіянальная газета»
32. Рамонт праезду ў дварах уздоўж гімназіі № 6 да «Космасу», пра неабходнасць якога пісала «РГ», ідзе 2 лютага 2016. //«Рэгіянальная газета»
33. Пікет у Валожыне: «Нельга аддаваць варварам косці людскія» 8 лістапада 2014. //«Рэгіянальная газета»
34. Расстрэл яўрэяў у Валожыне. Гавораць сведкі 24 верасня 2015. //«Рэгіянальная газета»
35. У Валожыне на месцы расстрэлаў яўрэяў пасадзілі алею. Цяпер будуюць мемарыял 2 лютага 2016. //«Рэгіянальная газета»
36. Што гаварылі на грамадскім абмеркаванні: чаму людзі супраць свінакомплексаў 30 сакавіка 2015. //«Рэгіянальная газета»
37. [ http://www.rh.by/by/308/50/10225/ 17 снежня 2014. Эколаг бачыць хібы ў праектаванні свінакомплексу ў трох кіламетрах ад Маладзечна] //«Рэгіянальная газета»
38. Асаблівасці газетнай WEB-старонкі //«Рэгіянальная газета», 31 сакавіка 2000 г., № 13 (258)
39. Дыплом інстытута FOJO, Швецыя 13 лістапада 2013.
40. Першая анлайн-трансляцыя: 1 мая ў Маладзечне 2 лютага 2016.
41. Круглы стол па маладзечанскім футболе АНЛАЙН 2 лютага 2016.
42. Што за знак меў памочнік Вілейскага старасты? 17 чэрвеня 2015. //«Рэгіянальная газета»
43. Незвычайны кубачак з Першай сусветнай захоўваецца ў Вілейскім музеі 17 чэрвеня 2015. //«Рэгіянальная газета»
44. «Рэгіянальная газета» стала лепшай газетай 2015 года сярод рэгіянальных СМІ Беларусі 3 лістапада 2017.//«Рэгіянальная газета»
45. Рэгіяналы ідуць наперад (спіс пераможцаў)//«Беларуская асацыяцыя журналістаў»
46. [ http://baj.by/be/node/28601(недаступная спасылка) Першыя месцы ў «Вольным слове»: Зміцер Лукашук, Павел Свярдлоў, Зміцер Галко, Ягор Марціновіч, Раман Стэфаненка]//«Беларуская асацыяцыя журналістаў»
47. Віншуем пераможцаў «Вольнага слова»!//«Беларуская асацыяцыя журналістаў»
48. Ваша «Рэгіянальная газета» − з найлепшых у Беларусі 11 лістапада 2013.//«Рэгіянальная газета»
49. Польскае пасольства адзначыла «РГ» 24 верасня 2015. //«Сайт Vialejka.org»
50. Агляд недзяржаўных СМІ за 23 сакавіка //«Радыё Свабода»

Літаратура

• Манцэвіч Алесь. «Рэгіянальная газета»  — газета беларускага сэрца // Свая газета. 2013. Дапаможнік журналіста мясцовай прэсы. — Мн.: 2013. — Стар. 65—70.
• Манцэвіч Аляксандр. Акцыі газеты набліжаюць яе да чытачоў // Свая газета. 2014. У дапамогу мясцоваму журналісту. — Мн.: 2014. — Стар. 5—9.
• Памяць. Маладзечанскі раён. // Л.І. Карповіч: Друк. "Рэгіянальная газета". — Мн.: Беларуская энцыклапедыя., 2002. — С. 593. — 792 с. — (Гісторыка-дакументальныя хронікі гарадоў і раёнаў Беларусі.). — 5 000 экз. — ISBN 985-11-0256-3.
• Мы робім газету разам з вамі. Брашура да 20-годдзя “Рэгіянальнай газеты”.. — Мн.: ТАА “Мэдысонт”., 2015. — 16 с. — 200 экз.

Спасылкі

• Онлайн-версія «Рэгіянальнай газеты» 18 верасня 2020.
• RSS-Стужка навін 23 ліпеня 2015.
• Асацыяцыя выдаўцоў рэгіянальнай прэсы «Аб’яднаныя Масмедыі» 22 красавіка 2016.
• Гаворыць Маладзечна 23 ліпеня 2015.
• Пабыць у скуры журналіста: адзін дзень з жыцця "Рэгіянальнай газеты (Відэа) 5 сакавіка 2016.
• «Рэгіянальная газета» зладзіла вечарыну ў гонар 20-годдзя ў Вілейцы (Фота) 5 сакавіка 2016.
• Чаму я чытаю «Рэгіянальную газету», распавядаюць вядомыя людзі з нашага рэгіёна(недаступная спасылка)