Каўбча́нскі сельсавет — адміністрацыйна-тэрытарыяльная адзінка ў складзе Клічаўскага раёна Магілёўскай вобласці Беларусі. Цэнтр — аграгарадок (да 2010 года вёска) Коўбча.
| Каўбчанскі сельсавет | |
|---|---|
| Краіна | Беларусь |
| Уваходзіць у | Клічаўскі раён |
| Уключае | 23 населеныя пункты |
| Адміністрацыйны цэнтр | Коўбча |
| Дата ўтварэння | 20 жніўня 1924 |
| Насельніцтва (2009) | 1 064 |
| Часавы пояс | UTC+03:00 |
| Код аўтам. нумароў | 6 |
| Афіцыйны сайт |
Гісторыя Правіць
Утвораны 20 жніўня 1924 года ў складзе Клічаўскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Клічаўскім раёне БССР. 14 жніўня 1937 года ўзбуйнены за кошт далучэння часткі скасаванага Наталаўскага нацыянальнага польскага сельсавета. З 20 лютага 1938 года ў складзе Магілёўскай вобласці, з 20 верасня 1944 года — Бабруйскай вобласці, з 8 студзеня 1954 года — Магілёўскай вобласці. 21 кастрычніка 1960 года да сельсавета далучана тэрыторыя скасаванага Максімавіцкага сельсавета. З 25 снежня 1962 года сельсавет у складзе Кіраўскага раёна, з 6 студзеня 1965 года — у складзе адноўленага Клічаўскага раёна. 20 верасня 2013 года да сельсавета далучана тэрыторыя скасаванага Акцябрскага сельсавета (8 населеных пунктаў: аграгарадок Стары Востраў, вёскі Акцябрск, Закоркі 1, Закоркі 2, Масніцкае, Масное, Мілажань і Новы Востраў).
Насельніцтва Правіць
Насельніцтва сельсавета паводле перапісу 2009 года — 1064 чалавекі, з іх 96,7 % — беларусы, 2,8 % — рускія.
Склад Правіць
У склад сельсавета ўваходзяць 23 населеныя пункты:
| Назва | Статус |
|---|---|
| Акцябрск | вёска |
| Вяленік | вёска |
| Ганаратаў | вёска |
| Закоркі 1 | вёска |
| Закоркі 2 | вёска |
| Закуцкі Дварок | вёска |
| Закуцце | вёска |
| Каўбчанская Слабодка | вёска |
| Коўбча | аграгарадок |
| Красны Лес | вёска |
| Куцін | вёска |
| Ліпніца | вёска |
| Масніцкае | вёска |
| Масное | вёска |
| Мілажань | вёска |
| Новы Востраў | вёска |
| Новыя Максімавічы | аграгарадок |
| Новыя Набаркі | вёска |
| Палам | вёска |
| Рэпішча | вёска |
| Стары Востраў | аграгарадок |
| Старыя Максімавічы | вёска |
| Старыя Набаркі | вёска |
Зноскі
- Рашэнне выканкома Магілёўскага абласнога Савета дэпутатаў працоўных ад 21 кастрычніка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 31.
- Решение Могилевского областного Совета депутатов от 20 сентября 2013 г. № 22-12 Об изменении административно-территориального устройства некоторых административно-территориальных единиц Могилевской области 29 снежня 2021.
- Насельніцтва населеных пунктаў Магілёўскай вобласці Беларусі паводле перапісу 2009 года(недаступная спасылка). з першакрыніцы 7 жніўня 2018. Праверана 29 снежня 2021.
- Этнічны склад насельніцтва сельсаветаў Беларусі паводле перапісу 2009 года
Літаратура Правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.