Іван Восіпавіч Ахрэмчык (3 (16) снежня 1903, Мінск — 9 сакавіка 1971, Мінск) — беларускі савецкі жывапісец. Народны мастак БССР (1949), прафесар (1964).
| Іван Восіпавіч Ахрэмчык | |
|---|---|
| Аўтапартрэт. 1956 | |
| Дата нараджэння | 3 (16) снежня 1903 |
| Месца нараджэння | |
| Дата смерці | 9 сакавіка 1971 (67 гадоў) |
| Месца смерці | |
| Месца пахавання | |
| Грамадзянства | |
| Род дзейнасці | мастак |
| Месца працы | |
| Вучоба | |
| Мастацкі кірунак | рэалізм |
| Уплыў на | Анатоль Васільевіч Бараноўскі і Уладзімір Іванавіч Кухараў |
| Партыя | |
| Член у | |
| Узнагароды | |
| Медыяфайлы на Вікісховішчы |
Біяграфія Правіць
Скончыў Вышэйшы мастацка-тэхнічны інстытут у Маскве (1930), яго выкладчыкамі былі Абрам Архіпаў, Канстанцін Істомін, Аляксандр Шаўчэнка. З 1931 года на педагагічнай працы: выкладаў у Беларускім дзяржаўным мастацкім тэхнікуме (1931—1941), Мінскім мастацкім вучылішчы (1948—1952), Беларускім політэхнічным інстытуце (1953—1963), Беларускім тэатральна-мастацкім інстытуце (1963—1967) на пасадзе загадчыка кафедры жывапісу. Дэпутат Вярхоўнага Савета БССР у 1947—1959 гадах.
Упершыню ўдзельнічаў у 1-й Мінскай мастацкай выстаўцы у 1921 г. («Эцюд», «Аўтапартрэт»). На II Усебеларускай мастацкай выстаўцы 1927 г. экспанаваліся два мужчынскіх партрэта, карціны «У чайнай», «Нацюрморт» і інш. У 1929 г., на III Усебеларускай мастацкай выстаўцы, сярод іншых былі паказаны «Падпісанне маніфеста аб стварэнні БССР» (1929), «Партрэт кампазітара М. Аладава» (1928), «Дзяўчынка». Амаль усе даваенныя карціны І. Ахрэмчыка не захаваліся.
Сябра Саюза мастакоў БССР з 1940 г.
Творчасць Правіць
Працаваў у галіне партрэта, тэматычнай карціны, пейзажа, манументальнага мастацтва. Адзін з першых у беларускім жывапісе звярнуўся да тэмах сацыялістычнага будаўніцтва, станаўлення Савецкай улады. У гады Вялікай Айчыннай вайны супрацоўнічаў у выданні ЦК КПБ «Раздавім фашысцкую гадзіну» (1943-44). Творчасці І. Ахрэмчыка, заснаванай на рэалістычных традыцыях, ўласціва глыбокае пранікненне ва ўнутраны свет сучасніка..
Творы Правіць
- «Падпісанне маніфеста аб стварэнні БССР» (1929), першая прэмія на III Усебеларускай мастацкай выстаўцы
- «I з’езд РСДРП» (1930), дыпломная работа
- «Торф для Асінбуда» (1931)
- «II з’езд РСДРП» (1934), эскіз карціны
- «Уступленне Чырвонай Арміі ў Мінск» (1934-1935, захоўваецца ў Нацыянальным Мастацкім музеі Беларусі)
- «Гідраторф» (1937)
- «Гідраторф Асінбуд» (1937)
- «Арганізацыя Савецкай улады ў Гомелі» (1939—1940, не захавалася)
- «Твар ворага» (1942)
- «Пасяджэнне ЦК КП(б)Б 3 ліпеня 1941» (1944)
- «Мужчына ў жоўтай кашулі» (1928, захоўваецца ў карціннай галерэі Астраханская вобл.)
- У. Галубка (1930-я)
- Партрэт піяніста А. Штэйна (1932)
- Ю. Пэна (1936)
- Партрэт студэнткі Т. (1936)
- П. Глебкі (1943)
- Г. Глебава (1943)
- З. А. Васільевай (1943)
- «Партрэт дзяўчыны» (1947)
- У. І. Уладамірскага (1948)
- М. І. Дзянісава (1951)
- Е. Міровіча (1952)
- Ф. Скарыны (1953)
- М. Б. Осіпавай (1959)
- М. Аладава (1961).
- «Партрэт калгасніцы» (1961)
- Л. П. Александроўскай (1963)
- «За раялем» (партрэт дачкі, 1966)
- П. С. Пестрака (1968)
- С. Б. Баткоўскага (1971)
- «Над ракой» (1935)
- «Сонечны дзень» (1952)
- «Каля сажалкі. Паланга» (1957)
- «Бэз квітнее» (1958)
- «Раніцай» (1963)
- «Квітнеючая вясна» (1963)
- «Летні пейзаж» (1965)
- «З акна майстэрні» (1971)
- 2 пано для Усебеларускай выстаўкі сельскай гаспадаркі і прамысловасці (1930)
- дэкаратыўны фрыз «Свята беларускага народа» для беларускага павільёна Усесаюзнай сельскагаспадарчай выстаўкі ў Маскве (1939)
- пано ў канферэнц-зале Беларускага таварыства дружбы з замежнымі краінамі (1955)
- плафон у Тэатры юнага гледача ў Мінску (1955, у сааўт. з Ісакам Давідовічам).
Памяць Правіць
- Імя Ахрэмчыка прысвоена Рэспубліканскай школе-інтэрнату па музыцы і выяўленчаму мастацтву
- У 1976 годзе ў Мінску на доме па вул. Ульянаўскай, 29, дзе мастак жыў 1945—1971 гадах, устаноўлена мемарыяльная дошка.
- У 2003 годзе, да 100 — годдзя з дня нараджэння мастака, РУП «Белпошта» выпусціла памятны мастацкі канверт з арыгінальнай маркай. Мастак канверта — Віктар Сташчанюк.
Зноскі
- Ахремчик Иван Осипович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
- ↑ Ахремчик Иван Осипович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 35. — 737 с..
- ↑ Энцыклапедыя гісторыі Беларусі. У 6 т. Т. 1. А — Беліца/Беларус. Энцыкл.; Рэдкал.: М. В. Біч і інш.; Прадм. М. Ткачова. — Мн.:БелЭн, 1993. — 494 с, ISBN 5-85700-074-2. — C. 236.
- ↑ БЭ у 18 т. Т. 2. — С. 160.
- І. Ахрэмчык. «Абаронцы Брэсцкай крэпасці» 25 мая 2012.
- Художники народов СССР. Библиографический словарь. Т.1. ААВИК — Бойко. М.: «Искусство», 1970. — с.241.
- І. Ахрэмчык. «Францыск Скарына»
- Мемарыяльная дошка Івану Ахрэмчыку на будынку у Мінску па вул. Ульянаўская, 29
Літаратура Правіць
- Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2). — С. 160.
- Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 20 000 экз. — ISBN 5-85700-074-2. — С. 236.
- Вайцахоўская В.У. Іван Ахрэмчык: альбом. — Мн .: Беларусь, 2018. — 93 с. — (Славутыя мастакі з Беларусі). — 500 экз. — ISBN 978-985-01-1260-6.
- Аладова Е. В. И. О. Ахремчик. — М., 1960.
- Ваданосава Ф. Майстар партрэта Іван Ахрэмчык / Ф. Ваданосава // Роднае слова. — 1993. — № 12. — с. 32.
- Тараканава М. Партрэтны жывапіс Івана Ахрэмчыка: Карціна «Якуб Колас і Янка Купала» / М. Тараканава // Роднае слова. — 2003. — № 12. — с. 68-69.
Спасылкі Правіць
- І. Ахрэмчык. «Аўтапартрэт». 1956 25 мая 2012.
- І. Ахрэмчык. «З акна майстэрні» 25 мая 2012.
- І. Ахрэмчк. «Бэз»(недаступная спасылка)
- Ахремчик Иван Осипович 5 сакавіка 2016. (руск.)
