Аляксей Леанідавіч Андрэеў

У Вікіпедыі ёсць артыкулы пра іншых асоб з прозвішчам Андрэеў.

Аляксей Леанідавіч Андрэеў (24 лютага 1920, Санкт-Пецярбург — 2004) — расійскі і беларускі артыст балета і балетмайстар. Заслужаны артыст Расіі (1957). Заслужаны дзеяч мастацтваў БССР (1963).

Аляксей Леанідавіч Андрэеў
Дата нараджэння	24 лютага 1920(1920-02-24)
Месца нараджэння	Петраград, РСФСР^[d]
Дата смерці	2004
Месца пахавання	Серафімаўскія могілкі^[d]
Грамадзянства	СССР  Расія
Адукацыя	Акадэмія рускага балета імя А. Я. Ваганавай
Прафесія	артыст балета, балетмайстар
Тэатр	Нацыянальны акадэмічны Вялікі тэатр оперы і балета Рэспублікі Беларусь Марыінскі тэатр Чувашскі дзяржаўны тэатр оперы і балета
Узнагароды

• 3 Зноскі

Біяграфія

У 1939 годзе скончыў Ленінградскае харэаграфічнае вучылішча.

У 1939—1959 гадах — саліст Ленінградскага тэатра оперы і балета імя Кірава (з 1943 года выступаў і як балетмайстар-пастаноўшчык).

У 1960—1964 і 1971—1973 гадах — галоўны балетмайстар Дзяржаўнага тэатра оперы і балета Беларусі.

У 1978—1983 гадах — галоўны балетмайстар Чувашскага музычнага тэатра.

Памёр у 2004 годзе. Пахаваны ў Санкт-Пецярбургу на Серафімаўскіх могілках.

Творчасць

Паставіў першыя нацыянальныя балеты на сучасную тэму «Мара» Я. Глебава (1961) і «Святло і цені» Г. Вагнера (1963), знайшоў для іх выразную харэаграфічную форму.

Іншыя пастаноўкі на беларускай сцэне: «Казка пра мёртвую царэўну і сем асілкаў» У. Дзешавова на тэмы А. Лядава (1961), «Дон Кіхот» Л. Мінкуса (1962), «Балеро^[ru]» на музыку М. Равеля (1963, разам з Н. Стукалкінай), «Гарэзлівыя частушкі» на музыку Р. Шчадрына (1977), «Раймонда^[ru]» А. Глазунова (1972, разам з Н. Стукалкінай).

Зноскі

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
• Аляксей Леанідавіч Андрэеў // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2002. — Т. 1. — 565 с. — 4 000 экз. — ISBN 985-11-0255-5.