Фёдар Міхайлавіч Драгун

Фёдар Міхайлавіч Драгу́н (21 снежня 1962, Мінск) — беларускі мастак-манументаліст.

Фёдар Міхайлавіч Драгун
Дата нараджэння	21 снежня 1962(1962-12-21) (61 год)
Месца нараджэння	Мінск, БССР, СССР
Род дзейнасці	мастак-манументаліст
Месца працы	архітэктурны факультэт БНТУ
Вучоба	Беларускі дзяржаўны тэатральна-мастацкі інстытут (1989)
Член у	Беларускі саюз мастакоў

У Вікіпедыі ёсць артыкулы пра іншых асоб з прозвішчам Драгун.

• 3 Зноскі

Біяграфія

Скончыў аддзяленне манументальна-дэкаратыўнага мастацтва Беларускага тэатральна-мастацкага інстытута ў 1989 годзе. З 1995 года выкладае на архітэктурным факультэце БПА, дацэнт кафедры «Рысунак, акварэль і скульптура».

З 1989 г. удзельнік рэгіянальных, рэспубліканскіх, замежных выставак.

Член Беларускага саюза мастакоў з 1990 года.

Творчасць

Вітраж у бібліятэцы імя А. С. Пушкіна

Асноўныя творы: тэмперны роспіс у рэкрэацыі СШ № 166 г. Мінска «Зямля мая» (1989), вітражы «Эпас. Лірыка. Драма» ў бібліятэцы імя А. С. Пушкіна ў Мінску (1990—1991), у зале Народнага адраджэння ў Горацкай гімназіі (1993), вітраж «Храм» у рэспубліканскім шпіталі МУС (1994), вітраж «Сонца на зямлі» ў Рэспубліканскім медыка-генетычным цэнтры (1994), вітражы «Тварэнне» ў Акадэміі кіравання пры Прэзідэнце Рэспублікі Беларусь (1995), у Доме культуры г. Івацэвічы (1995), вітраж «Дыядэма» ў аперацыйнай зале Партызанскага аддзялення Белінвестбанка г. Мінска (1996), вітражы ў вестыбюлі Рэспубліканскага навукова-практычнага цэнтра «Маці і дзіцё» г. Мінск (2001), роспіс і рэстаўрацыя ў царкве Св. Апп. Пятра і Паўла^[pl] ў Васількаве (2000—2003, у суаўтарстве з П. Русаком), роспіс царквы Св. Ап. Іаана Багаслова^[pl] ў Дамброве Бяластоцкай (2003—2007, у суаўтарстве з П. Русаком), манументальна-дэкаратыўныя кампазіцыі ў тэхніцы мазаіка ў Мемарыяльным комплексе памяці ахвяр Першай сусветнай вайны ў Мінску (2011, сааўтары С. І. Бышнёў, А. С. Суша, В. П. Чайка, архітэктар М. М. Дзятко).

Сярод жывапісных твораў «Купальская ноч» (1992), «Поле ўдоў» (1993), «Дзікая ягада» і «Зорка Венера» (абодва 1994), «Летуценні» (1996) і інш.

Працы знаходзяцца ў прыватных зборах Расіі, Літвы, Польшчы, Германіі, Галандыі, Ізраіля, Англіі, Іспаніі, ЗША і Рэспублікі Беларусь.

Зноскі

1. Выставка живописи Фёдора Драгуна «Частная коллекция»
2. А. Б. Александровіч. Драгун Фёдар Міхайлавіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).

Літаратура

• А. Б. Александровіч. Драгун Фёдар Міхайлавіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).