Капраліт з Лойд-банка

Капраліт з Лойд-банка — закамянеласць, капраліт чалавека, які жыў у IX стагоддзі ў Паўночнай Англіі^[d].

Капраліт з Лойд-банка
Названа ад	Lloyds Bank^[d]
Краіна	Вялікабрытанія
Месцазнаходжанне	Jorvik Viking Centre^[d]
Дата адкрыцця	1972
Даўжыня	0,2 м
Шырыня	0,051 м
Медыяфайлы на Вікісховішчы

• 3 Зноскі

Гісторыя знаходкі

Капраліт быў знойдзены ў 1972 пад будучым будынкам Лойд-банка (адсюль назва), у горадзе Ёрк, дзе ў IX стагоддзі знаходзілася паселішча вікінгаў.

Закамянеласць даўжынёй 20 і шырынёй 5 сантыметраў ёсць найбуйнейшым і найлепш захаваным чалавечым капралітам, са знойдзеных на пачатак XXI стагоддзя.

Значэнне

Выключна добрая захаванасць матэрыялу дазволіла археолагам даследаваць знаходку з мэтай вызначэння дыеты чалавека, які яго вырабіў, і стану яго здароўя. Даследаванні паказалі, што чалавек (пол яго вызначыць немагчыма) харчаваўся пераважна мясам і хлебам і пакутаваў ад паразітычнай інфекцыі кішэчніка. У 2003 годзе капраліт разбіўся на тры часткі пасля падзення ў час выстаўлення для наведвальнікаў, пасля чаго былі прыняты намаганні для яго рэканструкцыі. У цяперашні час закамянеласць захоўваецца ў цэнтры даследавання культуры брытанскіх вікінгаў Jorvik Viking Centre^[en].

Зноскі

1. https://www.theguardian.com/careers/2016/may/12/paleoscatologists-dig-up-stools-as-precious-as-the-crown-jewels
2. https://www.theguardian.com/uk/2003/jun/06/artsandhumanities.arts1
3. https://nypost.com/2021/05/20/the-largest-recorded-dollop-of-human-dung-will-blow-your-mind/
4. Jeffery, Simon. Museum's broken treasure not just any old shit (англ.)  (нявызн.) ?. The Guardian (6 чэрвеня 2003). Праверана 23 студзеня 2024.

Літаратура

• Horwitz, Tony (9 September 1991). «Endangered Feces: Paleo-Scatologist Plumbs Old Privies — It May Not Be the Lost Ark, But Then, Andrew Isn’t Exactly Indiana Jones». Wall Street Journal.