Краі́на — геаграфічная тэрыторыя, якая мае вызначаныя межы, якая карыстаецца дзяржаўным суверэнітэтам або знаходзіцца пад уладай іншай дзяржавы (калонія, падапечная тэрыторыя). Слова краіна можа азначаць не толькі тэрыторыю, але і насельніцтва гэтай тэрыторыі.
Краіна або дзяржава
Хоць паняцці краіна і дзяржава часта выкарыстоўваюцца як сінонімы, паміж імі ёсць істотная розніца. Паняцце дзяржава азначае ў першую чаргу палітычную сістэму ўлады, усталяваную на вызначанай тэрыторыі, у той час як паняцце краіна хутчэй ставіцца да культурных, агульнагеаграфічных (агульнасць тэрыторыі) і іншых фактараў. Паняцце краіна з'яўляецца меней афіцыйным, чым паняцце дзяржава.
Напрыклад, Брытанская імперыя з'яўлялася адзінай дзяржавай, якая складалася з шматлікіх краін (метраполія і мноства калоній). Іншы прыклад: сучасная Польшча і Польшча камуністычнай эпохі — гэта адна і тая ж краіна, але розныя дзяржавы.