Беларуская сацыял-дэмакратычная грамада (БСДГ) — партыя сацыял-дэмакратычнага кірунку. Створана 2 сакавіка 1991 года. Працягвае традыцыі Беларускай сацыялістычнай грамады і Беларускай сацыял-дэмакратычнай партыі. Кіруючы орган паміж з’ездамі — Цэнтральная рада. БСДГ заяўляла, што яна з’яўляецца левацэнтрысцкай партыяй парламенцкага тыпу, якая лічыць прыярытэтнымі кірункамі сваёй дзейнасці прапаганду і абарону агульначалавечых каштоўнасцей, ідэалаў сацыял-дэмакратыі, сацыяльную абарону чалавеку працы. Мэта яе дзейнасці — пабудова незалежнай дэмакратычнай, прававой і сацыяльнай беларускай дзяржавы як раўнапраўнага суб’екта еўрапейскай і сусветнай супольнасці. Філіі і суполкі БСДГ дзейнічаюць ва ўсіх абласных цэнтрах і многіх гарадах Беларусі. БСДГ знаходзіцца ў апазіцыі да рэжыму прэзідэнта Аляксандра Лукашэнкі.
| Беларуская сацыял-дэмакратычная грамада | |
|---|---|
| Лідар | Сяргей Уладзіміравіч Чэрачань |
| Дата заснавання | 1991; адноўлена 1998 |
| Дата роспуску | 1996 |
| Штаб-кватэра | 220013, Мінск, вул. Кульман, 4 |
| Ідэалогія | сацыял-дэмакратыя |
| Сайт | hramada.by |
Гісторыя Правіць
21 мая 1991 года партыя прайшла рэгістрацыю (рэгістрацыйнае пасведчанне № 090). 9 сакавіка 1995 года партыя прайшла перарэгістрацыю (рэгістрацыйнае пасведчанне № 012).
15 лютага 1998 года прайшоў Устаноўчы з’езд партыі. 27 мая 1998 года партыя зарэгістравана Міністэрствам юстыцыі Рэспублікі Беларусь (рэгістрацыйнае пасведчанне № 042).
У пачатку мая 1999 года Міністэрства юстыцыі Рэспублікі Беларусь вынесла папярэджанне БНП за ўдзел іх прадстаўнікоў у абвешчаных Цэнтральнай выбарчай камісіяй пад кіраўніцтвам В. Ганчара «альтэрнатыўных» выбарах прэзідэнта Рэспублікі Беларусь.
30 жніўня 1999 года партыя прайшла перарэгістрацыю (рэгістрацыйнае пасведчанне № 007). З 1998 года Анатоль Астапенка — намеснік старшыні Цэнтральнай Рады Беларускай сацыял-дэмакратычнай Грамады (БСДГ).
У БСДГ аж сямёра намеснікаў старшыні — Анатоль Астапенка, Валерый Арцішэўскі, Сяргей Бураў, Георгій Гацкевич, Святлана Губейка, Ірына Палядава і Арцём Старых. У цэнтральным савеце партыі вядомыя літаратары Сяргей Законнікаў і Анатоль Вярцінскі. У складзе арганізацыі вядомыя рэгіянальныя актывісты — Віктар Сазонаў і Уладзімір Хільмановіч з Гродна, Міхаіл Булавацкі з Магілёва.
| Адмаўляючыся ад удзелу ў чарговым палітычным спектаклі (парламенцкія выбары—2016), партыя БСДГ заяўляе аб сваёй рашучасці дамагацца сапраўдных выбараў у парламент і аб’яўляе аб рашэнні правесці 12 верасня 2016 года ў Мінску масавую пратэстную акцыю з іх патрабаваннем Станіслаў Шушкевіч, Беларуская сацыял-дэмакратычная грамада |
У лістападзе 2018 года Станіслава Шушкевіча на пасадзе кіраўніка БСДГ змяніў бізнесмен Сяргей Чэрачэнь, былы член Камуністычнай партыі Беларусі.
12 студзеня 2020 года на пасяджэнні Цэнтральнай Рады БСДГ было прынята рашэнне пра вылучэнне кандыдата ў прэзідэнты. Ім стаў старшыня партыі Сяргей Чэрачань.
Створаны адмысловы інтэрнэт-сайт, які змяшчае перадвыбарчую праграму, інфармацыю аб зборы подпісаў і апошнія навіны выбарчага штаба кандыдата ад партыі — https://cherechen.by/.
Старшыні партыі Правіць
- Міхаіл Аляксандравіч Ткачоў (сакавік 1991—1992 гг.)
- Алег Анатольевіч Трусаў (1992—1995 гг.)
- Станіслаў Станіслававіч Шушкевіч (1998—2018)
- Сяргей Уладзіміравіч Чэрачэнь (2018—цяпер)
Намеснік старшыні БСДГ — Анатоль Астапенка.
Члены ЦР БСДГ Правіць
- Галіна Аксючыц
- Марыя Апейка
- Валерый Арцішэўскі
- Анатоль Астапенка
- Міхась Булавацкі
- Сяргей Бураў
- Мікалай Вырвіч
- Анатоль Вярцінскі
- Георгій Гацкевіч
- Святлана Губейка
- Сяргей Законнікаў
- Ганна Зелянкевіч
- Уладзімір Іскрык
- Зміцер Кішкуноў
- Андрэй Коця
- Мікіта Краснакуцкі
- Тамара Маісеенка
- Анастасія Мароз
- Вікторыя Марозава
- Міхась Мінчык
- Ірына Палядава
- Валерый Петрыкевіч
- Сяргей Садоўскі
- Віктар Сазонаў
- Валерый Сарока
- Арцём Старыкаў
- Уладзімір Хільмановіч
- Паліна Цімафеева
- Сяргей Чэрачэнь
- Ірына Шушкевіч
- Станіслаў Шушкевіч
Зноскі
- Станіслава Шушкевіча на пасадзе кіраўніка БСДГ змяніў бізнэсмэн Сяргей Чарачэнь // Наша Ніва
- Пераемнік Шушкевіча будзе вылучацца кандыдатам у прэзыдэнты. Радыё Свабода (12 студзеня 2020). Праверана 1 лютага 2020.
Спасылкі Правіць
- Афіцыйная старонка БСДГ у фэйсбуку https://www.facebook.com/irinapolyadova/
- Афіцыйная старонка БСДГ у ОК https://ok.ru/profile/567509636816/
- Сайт http://www.bsdg.by/